Өвөрхангай аймгийн Уянга сумын  Аймгийн Тэргүүний 1 дүгээр цэцэрлэг нь 1958 онд Артелийн дэргэдэх хүүхдийн цэцэрлэг нэртэйгээр артелийн дарга Бүндэн хэмээх алсын хараатай холч ухаантай хүний санаачлагаар 2 гэр 25 хүүхэд, 3 багш, ажилтантай байгуулагдаж байсан.

ТҮҮХЭН ЗАМНАЛ:

• 1962 онд улсын төсөвтэй 2 бүлэгтэй 50 хүүхэд, 6 орон тоотой,
• 2001 онд 75 хүүхэдтэй 3 бүлэг 75 хүүхэд
• 2006 онд 100 хүүхдийн хүчин чадалтай барилга ашиглалтанд орж
•  2013 онд 5 бүлэг 125 хүүхэд
•  2016 оноос  6 бүлэгтэй, 150 хүүхдийн хүчин чадалтай болж өргөжлөө.

Анхны эрхлэгчээр Ж.Цэрэнпил 1962-1967, 1972-1976 он хүртэл ажилласан бол

• Я.Тогоо 1967-1972  онд
• П.Дуламсүрэн 1973-1995 онд
• Б.Тунгалаг 1996-2014 онд
• Т.Авирцэрэн 2015 оноос эрхлэгчээр ажиллаж байна.

         2022-2023 оны хичээлийн жилд 6 бүлэгт хамран сургах тойргийн 2-5 настай 232 хүүхдүүдийг танхимаар, 84 хүүхдийг нүүдлийн бүлэгтээ бүртгэн авч сургуулийн өмнөх боловсрол олгож, 22 орон тоотой ажиллаж байна.

      Үүнд: эрхлэгч 1, аргазүйч 1, бүлгийн багш 6, хөгжмийн багш 1, туслах багш 6, нягтлан 1, нярав 1, тогооч 1, туслах тогооч 1, үйлчлэгч 1, жижүүр-хөтөч 2.

         Мэргэжилтэй боловсон хүчнээр 100% хангагдсан. Багш нарын 40% магистр зэрэгтэй. Монгол улсын тэргүүлэх зэрэгтэй багш 1, заах аргач зэрэгтэй багш 4 ажилладаг.

             Байгууллагын хэвийн үйл ажиллагаагаа хангаж, хамран сургах тойргийн хүүхдүүддээ сургуулийн өмнөх боловсрол олгоход өөрсдийн нөөц бололцоондоо тулгуурлан ажиллахын зэрэгцээ  Олон улсын байгууллагуудын төсөл хөтөлбөрүүдийг хэрэгжүүлэн хамтран ажиллаж, өөрийн орлогоо нэмэгдүүлэх, материаллаг баазаа сайжруулахад санаачлагатай ажиллаж байна.

Үүнд:

        1. Тайваны хүүхэд гэр бүлийн хөгжлийн газрын санхүүжилтээр “Өрхийн тариалан, бизнес хөгжил” ТББ –тай хамтран хүлэмж, ногооны зоорины 30 сая төгрөгийн төсөл хэрэгжүүлж байна.

        2. Японы Жайка ОУБ-ын “Зурагт ном” төсөл 

        3. Мөн “Ногоон байгууламжийг нэмэгдүүлэх, мод тарих” төсөлд хамрагдаж хэрэгжүүлж , 500 ш мод тарьсан.

       4. МУЗН-ийн санаачлагаар НҮБ, БШУЯ-ны хамтарсан  2 сая төгрөгийн санхүүжилттай  “Ковид-19-ийн халдвараас сэргийлье “ бичил төсөлд шалгарч амжилттай хэрэгжүүллээ.

           1966-2022 он хүртэлх байгууллага, хамт олны амжилтуудаас :

• МАХН-ын Төв хороо, БНМАУ-ын сайд нарын зөвлөл, МҮЭ-ийн Төв зөвлөл, МХЗЭ-ийн Төв хорооны шилжин явах цом, 4,5,6,7 дугаар таван жилийн гавшгайч хамт олон
• 2010 онд аймгийн “ХҮҮХДИЙГ ДЭМЖИГЧ БАЙГУУЛЛАГА” өргөмжлөл
• 2010 онд ДЗОУБ-ын АХОНХХ –тай  ШИЛДЭГ ТҮНШЛЭГЧ БАЙГУУЛЛАГА
• 2011 онд сумын ТЭРГҮҮНИЙ БАЙГУУЛЛАГА
• 2012 онд ажил, бүтээлийн амжилтаараа шалгарч Аймгийн “ТЭРГҮҮНИЙ ЦЭЦЭРЛЭГ”
• 2011, 2012, 2015 онд  “ЭРҮҮЛ МЭНДИЙГ ДЭМЖИГЧ БАЙГУУЛЛАГА” болзол 1-2
• 2013 онд АХМАДАД ЭЭЛТЭЙ БАЙГУУЛЛАГА өргөмжлөл
• 2016 онд  Хан хөгшин бүсийн “САЙН ҮЙЛ АЖИЛЛАГААТАЙ ХАМТ ОЛОН”
• 2016 онд ТОП СТАНДАРТ хангасан байгууллага цом, өргөмжлөл
• 2017 онд сумын ШИЛДЭГ БАЙГУУЛЛАГА өргөмжлөл
• 2019 онд сумын ИТХ, ЗДТГ, Соёлын төвөөс зохион байгуулсан “УЯНГЫН ДУУЛАЛ” урлагийн наадмын ТУСГАЙ байр
• 2021 онд сумын ИТХ, ЕБ-ын 1-р сургуулиас зохион байгуулсан ХҮҮХЭД ХАМГААЛЛЫН АЯН-д ДЭД байр
• 2021 оны аймгийн ХГБЗХГ-ын аймгийн “ ШИЛДЭГ ГЭР БҮЛИЙН ЗӨВЛӨЛ” болов
• 2022 онд сумын төрийн байгууллагуудын спортын наадамд ДЭД БАЙР
• 2022 онд Хан хөгшин бүсийн СӨББ-ын  уулзалт тэмцээнд ТЭРГҮҮН байр зэрэг амжилтууд гаргажээ.

ЭРХЭМ  ЗОРИЛГО:

Хүүхэд бүрийг ардын өв уламжлалаар дамжуулан сонирхолтой, чөлөөтэй , эрүүл аюулгүй тоглох орчин бүрдүүлж, бие даах чадвартай баяр баясгалантай эрүүл, зөв хүн болгон төлөвшүүлнэ.

                                                                                                                    АЛСЫН ХАРАА:

Хувь хүний болон мэргэжлийн ёс зүйг эрхэмлэн хүүхэд төвт хөгжүүлэх сургалтаар хүүхэд бүрийг хөгжүүлэн улм орныхоо тогтвортой хөгжлийг хангахад хувь нэмрээ бодитой оруулахуйц сургуулийн өмнөх боловсролын үйлчилгээний тэргүүний байгууллага болоход оршино.

 2022-2023 ОНЫ ХИЧЭЭЛИЙН ЖИЛИЙН  ЗОРИЛГО:

Хүүхэд бүрийн сурах үйлийг дэмжиж, хоцрогдолгүй сургахад бүх талын оролцоо, хамтын үйл ажиллагааг өргөжүүлж, багшийг мэргэжлээрээ тасралтгүй хөгжих боломжийг бүрдүүлэх